الدفعة التاسعة ٢٠٢٣
المدعمة بالذكاء الاصطناعي
اقوى دورة تأخذك خطوة بخطوة وتحقق طموحك بوقت قياسي
باقي على نهاية الدورة
فرص وظيفية قوية تضيع عليك بسبب شرط الايلتس؟
درجة الايلتس هي العائق بينك وبين الابتعاث؟
ما تبغا تضيع فلوسك ووقتك وما تحقق الدرجة؟
بديت من الصفر في الانجلش وكانت تجربتي مع اللغة عبارة عن معاناة.. كنت احاول اطبق كل نصيحة اسمعها،
وجربت طرق كثييرة وكل مرة طريقة تفشل كنت اتحطم اكتر .. صرفت الاف الريالات وضيعت ٣ سنوات ولسه ماني
قادر اوصل للخلطة السحرية اللي تساعدني اجيب درجة قوية بالايلتس عشان احقق حلمي بدراسة الماجستير في
جامعة قوية وبعدها اتوظف في شركة كبيرة..
وبعد تجربة ٥٠ الف طريقة قدرت اوصل لافضل الطرق اللي تختصر الوقت والمجهود وساعدتني احقق درجة ٨ في
الايلتس خلال اشهر قليلة مو سنوات!
وبعدها قررت انشر تجربتي واختصر الطريق على المهتمين باختبار الايلتس والحمدلله ساعدت أكثر من ٢
مليون شخص خلال الـ ٨ سنوات الماضية في تحقيق طموحه في الايلتس .. وساعدت الكثيرين في تأسيس
وتطوير لغتهم من الصفر حرفيا من خلال دوراتي المكثفة والمحتوى اللي بقدمه على السوشيال ميديا.
⚙️ اقوى التكنيكات
اللي تختصر عليك الطريق
👨🏻💻 دروس تفاعلية
تحاكي التدريب الشخصي
🛣️ المسار الشخصي
يرتب لك الدروس خطوة بخطوة
🧑🏻🎓 نتائج حقيقة
حتشوف تطور ملحوظ بوقت قياسي
ودا مو بس كلامي .. هذي تجارب وكلام مجربين يوصلني يوميا ..
🎉 احمد قدر يحقق الـ ٧.٥ في اختبار الايلتس بدروس الدورة المرتبة مع مسار شخصي وتكنيكات
فورية اختصرت عليه الطريق
انا اشرف كنت ابغى اختبر الايلتس عشان اقدم على الماستر وكان مطلوب مني اقل شيء اجيب
أنا أحمد بالرغم من دراستي في المدارس العالمية ولكن اختارت الدورة المكثفة للايلتس
ولاقيت فيها كل الخدمات اللي ساعدتني لاجتياز الاختبار بسهولة و اهمهم التقييم المباشر
للكتابة والمحادثة مع مختبرين الايلتس ساعدتني اطور من ادائي ورفعت درجتي
تجربة احمد كامل - درجة
٧.٥
🎉 اشرف كان يحتاج درجة ٥.٥ باختبار الايلتس وقرر يسجل بالدورة المكثفة للايلتس وطبق كل
اللي اتعلمه بالدورة وقدر يحقق الـ ٦.٥
انا اشرف كنت ابغى اختبر الايلتس عشان اقدم على الماستر وكان مطلوب مني اقل شيء اجيب
٥.٥
فلما
اشتركت معاك بالدورة وجدت الرحلة مرتبة بشكل جميل ويحمس للهجوم عليها جزء جزء، واكتر
شيء
فادني
هو اعمدة الايلتس الثلاثة اللي هي المهارات، الاختبارات التجريبية والتكنيكات.
تجربة أشرف - درجة
٦.٥
🎉 ايلاف كانت تبغا درجة قوية باختبار الايلتس "درجة ٧" للماستر وكانت تتوقع حتحتاج تختبر
اكتر من مرة عشان تحقق دا الهدف، لكن بدأت الدورة في جولاي وطبقت التكنيكات والقوالب جابت
الـ ٧ من اول اختبار
انا ايلاف اخدت الايلتس قبل الماستر، الحمدلله كان مطلوب مني ٧ وجبتها، بديت الدورة في
بداية
جولاي
واعتمدت اكتر شيء على فيديوهات عبدالرحمن واختبر اختبارات تجريبية وارسلها للتصحيح،
اكتر
شيء
عجبني
في الدورة صراحة القوالب
كانت مرة مريحة ويختصر لك وقت مرة كبير.
تجربة ايلاف - درجة
٧
🎉 بثينة كان عندها بس شهر ولازم تجيب الدرجة، اشتركت في الدورة المكثفة للايلتس وكان تحدي
كبير، لكن مشيت على مسارها الشخصي بالدورة وبالنهاية حققت اعلى من الدرجة المطلوبة للابتعاث
انا بثينة مشتركة بالدورة والحمدلله اختبرت قبل كم يوم، في البداية احتجت درجة في
الايلتس
عشان
اطلع
بعثة واحتاجتها في وقت قصير، كان بحد اقصى معايا شهرين اجيب فيها الدرجة. وفي وقت زي
كدا
قصير
فكرت
وشفت انه انسب حل اشترك في الدورة، وهذا اللي سويته والحمدلله ما ندمت على هذا القرار
تجربة بثينة - درجة ٦
🎉 منى كانت تحتاج ترتفع درجة كاملة في اختبار الايلتس، والدورة ساعدتها بقوة خاصة
التكنيكات وتقييمات المختبرين بالدورة ومع نهاية مسارها الشخصي كانت وصلت للدرجة فعليا.
انا منى القرشي وجبت درجة ٦ في الايلتس الاكاديمي وكانت المدة شهرين، مستوايا كان
تقريبا
متوسط
واللي خلاني استمر هو هدفي ومقدار رغبتي في تحقيقه، خدمة التصحيح كتير فادتني
والتكنيكات
وخدمة
التكلم مع مختبر وعموما الدورة كلها جبارة ومتعوب عليها
تجربة منى - درجة ٦
تطوير الاستماع بنظام الجولات:
خايف ما تفهم المقاطع الصوتية؟ لا تخاف لانه راح تطور هذي المهارة عن طريق الاستماع لمقاطع صوتية مناسبة ليك بنظام الجولات الثلاثة عشان تتعلم منها كلمات جديدة، كمان المقاطع باللهجة البريطانية وبالتالي حتتعود على لهجة الاختبار.
طور كتابتك مع أداة الذكاء الاصطناعي شكسبير:
حيكون عندك " شكسبير AI " مدربك الخاص المدعم بالذكاء الاصطناعي عشان تتدرب معاه، يعطي ليك اسئلة تحلها، فيدباك فوري على كتاباتك ويراجع اخطاءك بدقة وبالتالي أزمتك مع الكتابة تتحل للأبد
تطوير المحادثة بنظام المحاكاة:
حتمارس المحادثة يوميا من خلال دروس تفاعلية تشوفني فيها وانا اتكلم وبعدها حيجي دورك تتكلم، هدفها تتعلم كلمات قوية وترددها، تكسر رهبتك من انك تحرك لسانك، تمارس المهارة نفسها اكتر وبالتالي تبدع في اختبار المحادثة.
ممارسة وحفظ الكلمات بالتكرار المتباعد:
في الدورة جمعت لك اهم كلمات الايلتس مصممة بتكنيكة التكرار المتباعد عشان تقدر تراجع اللي حفظته ودا معناه ما عليك تقعد ساعات تحفظ بنفسك لان الدورة هي اللي حتحفظك بالتكرار.
مكتبة روايات اكسفورد الرقمية
كخدمة اضافية في الدورة وبالنسبة لي ممتعة حيكون عندك ٢٥ رواية الكترونية مناسبة لمستواك من افضل مصدر لتطوير مهارة القراءة عشان تزيد سرعتك في القراءة والاستيعاب ودا معناه حتطور اهم المهارات المطلوبة للاختبار.
شروحات تفاعلية على كل درس
ما راح تشوف فيديوهات مملة وتسرح في النص وتحس انك منت فاهم.. راح تشوف الشرح وخلال الدرس حسألك اسئلة تفاعلية.. وعلى اساس اجاباتك حتكمل اذا صح او حعيد لك شرح المعلومة
تدريبات تفاعلية على كل نوع سؤال
بعد ما تشوف الفيديوهات والشرح راح اخدك بتدريبات تفاعلية عشان تطبق اللي فهمته بشكل عملي زي ما حيجيك في الاختبار
جلستين للمحادثة مع مختبر رسمي:
ممكن فكرة انه تتكلم بالانجلش مع شخص نيتف مهي حاجة سهلة، عشان كدا حيكون عندك جلستين تاخد فيها اختبار تجريبي مع مختبر ايلتس حقيقي عشان تقدر تكسر حاجز الخوف وتعرف درجتك وبالتالي ما تتوتر يوم الاختبار.
خدمة تصحيح الكتابة:
بعد تدربك على التكنيكات حتقدر تكتب وترسل كتابتك لفريق تصحيح متخصص عشان تقدر تعرف درجتك
واخطاءك وكيف تحسنها عشان ما تخبص في الاختبار
الحقيقي.
ورش عمل لايف مع عبدالرحمن:
كمشترك في الدورة حيكون عندك صلاحية دخول لا محدودة لاكثر من ١٤ ورشة عمل لايف بتكون فيها طاقة وحماس نتجمع ونحل ونمارس مع بعض.
حقيبة ورقية:
حشحن ليك افضل مصدر للتدرب على الاختبارات التجريبية "اختبارات كامبردج" عشان تقدر تدرب قبل اختبارك الحقيقي وبالتالي ما حتعاني من ضغط الاختبار.
كتيب بيقدملك طرق فعالة بناءً على تجارب حقيقية الين ما تلاقي نفسك قادر على التواصل بالانجليزي بسلاسة وثقة في وقت قصير جداً
الدورة اختصرت على الآف المشتركين وقت رهيب وكانت ممكن تضيع فرص حقيقية عليهم اذا ما وصلو للدرجة المطلوبة في دا الوقت، طيب يجي السؤال كيف التزم كل هذولا الناس بالمذاكرة اليومية؟ ما كان يجي شعور بالطفش او انه يبغا يسحب على كل حاجة؟
الاجابة اكيد ايوة تصير لكن الدورة ساعدتهم لانها مبنية على تقنية المسار الشخصي اللي يحدد لك روتين للمذاكرة حسب الوقت اللي تقدر تعطيه يوميا.. يعني ما حاجي اقلك يلا انت عليك تذاكر ١٠ ساعات في اليوم عشان تحقق هدفك وانت ما تقدر تدي وقت للمذاكرة اكتر من ساعتين. تخيل ساعتين بس في يومك تقدر توصلك لهدفك لانه الدورة سوت لك النظام اللي عليك تمشي عليه، كل اللي عليك تسويه بس تفتح حسابك بالدورة وتمشي مع مسارك والباقي على الدورة.
الدورة المكثفة للايلتس حتعطيك خلاصة ٨ سنوات في دورة واحدة مصممة باحدث التقنيات التفاعلية اللي تحاكي تجربة التدريب الشخصي، وحتكون معاك الين تحقق هدفك وتوصل للدرجة المطلوبة لانها راح توازن لك بين الأعمدة الثلاثة للايلتس اللي هي (التطوير، التكنيكات والتدرب)
نظريا الموضوع مهو صعب، لكن عمليا صعب انه يكون في مكان واحد يوازن لك بين الاعمدة الثلاثة للايلتس مع مراعاة مستواك وهدفك والوقت اللي تحتاج تجيب فيه الدرجة.. هي خلطة لازم تكون محسوبة بشكل دقيق عشان توصلك لافضل النتايج..
ودا بالزبط المنهجية اللي حيتم تصميم مسارك الشخصي بناء عليها:
مقاطع البرامج الصوتية عندك حتكون حسب مستواك في اللغة،
حتمارس مهارة الاستماع بشكل شبه يومي في الدورة .
وإذا مستواك لسه بسيط حتكون المقاطع عندك بنظام الجولات الثلاثة، حتسمع اول مرة وبعدها يطلعلك سؤال اذا جاوبته صح معناها امورك كويسة وتروح للي بعده، اذا جاوبته غلط حتكمل باقي الجولات.
كمان المقاطع باللهجة البريطانية وبالتالي حتتعود على لهجة الاستماع في الاختبار.
حشارك أهم النصائح واقووى التكنيكات اللي راح تساعدك تختم قسم الاستماع، وتعرف كيف تصيد الاجابة بالزبط من نص الكلام اللي انت قاعد تسمعه.
التكنيكة الأساسية في قسم الاستماع "تكنيكة استغلال الوقت" كيف تستغل الوقت لصالحك في الاختبار الفعلي، وايش ثغرات الوقت اللي موجودة وكيف تستغلها؟
تكنيكات وشرح مفصل في +٢٠ درس لكل قسم من الأربع أقسام اللي تيجي في الاختبار وبالتالي تتعود على شكل الاسئلة وما تتفاجئ في اختبارك الفعلي بسؤال ما تعرفه.
بعد كل تكنيكة او شرح لطريقة سؤال معين حيكون عندك تدريب مصمم بتقنية تفاعلية عشان تطبق اللي تعلمته ودا معناه حتمارس التكنيكات مو حتحفظها.
بس تختم الدروس حيكون عندك اختبارات تجريبية من المصدر الاساسي للاختبارات في الدورة "كتب كامبردج" عشان تتدرب اكتر على هيكلة الاختبار الفعلي وتقدر تعرف فين اخطاءك وتتعلم منها.
حيكون عندك مصدرين لتطوير مهارة القراءة في الدورة
المصدر الاول: روايات اكسفورد
السبب اللي خلاني اختار روايات اكسفورد تكون المصدر الأساسي في الدورة لتطوير مهارة القراءة أنه هي مرة ممتعة وأحداث القصة دايما حتجبرك تستمر في القراءة، كمان لانه الروايات بشكل عام حتساعدك تربط الخيال بالانجليزي وبالتالي تربط الكلمات بالخيال .. ويصير خيالك في الانجليزي اقوى والكلمات اللي تشوفها تفضل معاك لفترة أطول و تساعدك تستخدمها عمليا
المصدر الثاني: المقالات الاكاديمية
بالإضافة إلى روايات اكسفورد حيكون عندك مقالات أكاديمية لتطوير القراءة، وهذي تقدر تبدأ فيها إذا كان مستواك متوسط وفوق، هدفها الأساسي تساعدك تتعلم افكار جديدة، كلمات جديدة، تزيد نسبة استيعابك وتخمينك للسياق.
اول شيء حتعرف أهم تكنيكة تقسيم الوقت اللي حتعلمك ازاي تقسم وقتك صح بالاختبار بناء على مستواك الحالي وتضمن انك حتوصل لاكبر عدد من الاجوبة صح في الوقت المحدد عندك اللي هو ٦٠ دقيقة الوقت يعني باختصار حشاركك التكنيكات اللي ساعدتني اجيب ٩ بالقراءة.
بعدها حنتكلم عن التكنيكة الاساسية للقراءة " تكنيكة حاد" وتعتمد على ثلاث خطوات اساسية اللي هي
يعني حتطلع من هذي الدروس وانت عارف كيف تجاوب صح على اكبر عدد من الاسئلة بدون ما تجلس تقرأ كل كلمة في الفقرة، تحتاج بس تقرأ ممكن نسبة ٢٠ الى ٣٠٪ من كل القطعة 🤯
وفي الدورة حناخد هذي التكنيكة ونفصص كل خطوة من خطواتها وحشرحها ليك عمليا وحتدرب معايا عليها لدرجة انه حرفيا ما حتقدر تكمل الدرس اذا ما كنت فاهم ايش اللي قاعد اقوله، واذا سالتك وجاوبت غلط الدورة حترجعك تعيد اللي سمعته عشان تستوعب بنسبة ١٠٠٪ بعدها نكمل.
بس تستوعب فكرة التكنيكة حيكون عندك ٢٠ درس تفاعلي حتدرب معايا عملي على كل انواع اسئلة الاختبار يعني حتخلص الدروس وانت مختم دا القسم بإذن الله.
مع كل مرحلة من مراحل تطبيق تكنيكة حاد حيكون عندك تدريب تفاعلي عشان تطبق اللي اتعلمته خطوة بخطوة وتتعود على اسئلة الاختبار وبالتالي ما حتعاني في اختبارك الفعلي
في هذي المرحلة حتتدرب على قسم القراءة كامل، حتشوف كيف مستواك وايش نقاط ضعفك، حتراجع أخطائك بعد كل اختبار وتتعلم منها.
بعد ما تاخد جرعة قسم القراءة كاملة واللي تشمل التطوير، التكنيكات، التدرب حتكون جاهز تهكر اي اختبار قراءة يواجهك وتحت ضغط الوقت
نسبة كبيرة مننا فعليا تعاني من قسم الكتابة، ممكن لغتك كويسة وتقدر تتكلم بس ما تقدر تكتب او ما عندك افكار والعكس، فحاب ابشرك انه اخر تحديث في الدورة كان لتطوير مهارة الكتابة واللي الحمدلله اثبت نجاحه بقوووة خلال الأيام الأولى من إطلاقه "شكسبير AI" راح يساعدك تطور كتاباتك، يراجعها ليك ويطلع لك اخطاءك، يساعدك بطرق أفضل للتعبير ، حتلاقيه موجود في مسارك بشكل شبه يومي.
اذا عندك معرفة ولو بسيطة باختبار الايلتس اكيد تعرف انه اختبار الكتابة عبارة عن سؤالين عليك تجاوب عليهم خلال ٦٠ دقيقة، بمعايير تقييم محددة منها مثلا أنه تكمل عدد الكلمات المطلوبة في كل تاسك منهم.
فالدورة المكثفة للايلتس راح تاخدك خطوة بخطوة من البداية الين تشوف الدرجة اللي تبغاها في تقريرك اللي يوصلك من مصححين الدورة.
هنا حتعرف اهم التكنيكات اللي تساعدك تكتب ٤٠٠ كلمة في ٦٠ دقيقة، وحيكون عندك دروس تفاعلية لشرح كل جزء بالتفصييييل لتاسك ١ وتاسك ٢ ، وحتشوفني قدامك اطبق التكنيكات على كل أنواع الأسئلة اللي تيجي بالاختبار.
وبعدها حيجي دورك تمسك ورقة وقلم وتطبق بنفسك معايا خطوة بخطوة على كل نوع كل اللي تعلمته عشان تقدر تتعود على الكتابة باستخدام التكنيكات وبالتالي يكون مرة سهل عليك الحل في الاختبار.
في دا الجزء ما حتكون لوحدك، حتكتب وترسل كتاباتك لخبراء تصحيح وحيوصلك تقرير شامل عشان تعرف منه كم درجتك الفعلية، ايش اخطاءك، وكيف تتفادها وبالتالي تضمن درجة قوية بالاختبار الفعلي.
حيكون عندك دروس تطوير المحادثة في مسارك بشكل شبه يومي
الدروس مصممة بطريقة محاكاة تفاعلية
اول شيء حيكون عندنا سؤال مثلا من الاسئلة المتوقعة للمحادثة، انا حقرأ السؤال واجاوبه بعدها حيكون دورك تفكر وتجاوب على نفس السؤال وبالتالي راح تكتسب كلمات وأفكار جديدة تساعدك تتكلم بشكل كويس وما تعلق.
اول شيء حنتكلم عن كيف يجي اختبار المحادثة؟ عن نصايح عامة تسويها ولا تسويها هدفها تساعدك بشكل عام في الاختبار وكمان في الحياة اليومية.
تكنيكات لكل قسم من الاقسام الثلاثة، طريقة اجابة القسم الأول "تكنيكة روم"،، طريقة اجابة القسم الثاني "تكنيكة الأزمنة الثلاثة"،، طريقة اجابة القسم الثالث وهكذاا حنتكلم عنهم بالتفصييل وتشوفني وانا قاعد اطبقها
كمان حيكون عندك دروس فوكاب تشمل الكلمات الاساسية واللي تقدر تستعين بيها في كلامك.
جمل إنقاذ تساعدك ما تعلق.
صراحة دا الشيء الرهيب في الدورة انه حرفيا بعد شرح كل تكنيكة حيكون عندك تدريب تفاعلي عشان تطبق بشكل عملي وتعرف تجاوب بالطريقة الصح في الوقت، وبالتالي توصل لاعلى درجة ممكنة باقل مجهود من طرفك.
الاختبارات التجريبية هنا هي الاسئلة المتوقعة للمحادثة قاعد اشاركها كل فترة
على
السوشيال ميديا، اكيد موجودة في الدورة ولكككن في الدورة ما حتكون بس
اسئلة،
حيكون
عندك دروس تفاعلية خاصة بالأسئلة المتوقعة للمحادثة.
حتشوف اجوبة نموذجية لمختبرين المحادثة اللي معايا بالفريق، وفي بعض
الاسئلة
حسيبك
تعتمد على نفسك لكن حيكون عندك أفكار تساعدك، وبالتالي حيكون عندك حصيلة لغوية
جيدة
جدا وافكار اكتر تساعدك تتكلم بدون ما تعلق.
دحين عرفت منهجية الدورة وعرفت كيف الدورة ساعدت كثيييييرين في تحقيق أهدافهم واكيد حتساعدك انت كمان تحقق هدفك بوقت قياسي، لكن كيف الدورة؟ ايش حيكون عندك:
و٦٠ الف حاجة كمان .. يعني باختصار الدورة شاملة كلللل حاجة وحتاخدك خطوة بخطوة الين تحقق هدفك
1️⃣ اذا انت بديت في الايلتس، وحاسس كل حاجة واضحة وفيه تطور.. ما انصحك تسجل بالدورة.. ابغاك تستمر وصدقني راح توصل باذن الله.
2️⃣ اذا تبغاني اكون معاك من اول يوم خطوة بخطوة واعطيك كل حاجة تحتاجها عشان توصل لهدفك، بوعدك الدورة هي الشيء اللي تحتاجه واللي حتوصلك للدرجة في وقت قياسي 🚀
اذا ما كنت مستعد لتخصيص الوقت والجهد، على الاقل ساعة واحدة يوميا اسبوعيا للدورة والالتزام بيها طوال مدة مسارك
إذا كنت تتوقع انه مجرد ما تسجل في الدورة خلاص افتكيت من الايلتس، فترا الدورة مهي سحر، لكن هي طريق مختصر
اذا كان مستواك تأسيسي أو مبتدئ، ما انصحك لانه مستوى الدورة اعلى شوي من مستواك وبالتالي احتمال تعاني الين تستوعب ايش اللي قاعد يصير (انصحك تاخذ الدورة التأسيسية وبعدها تشترك في الدورة المكثفة.. اضغط هنا )
ونفس الشيء اذا مستواك متقدم في اللغة، (فوق الدرجة ٧) انت وصلت الين دا المستوى بنفسك واشوف انك تقدر تكرف شويتين وتكمل مشوارك.
اذا باقي على اختبارك اقل من ١٠ ايام.. (القاعدة العامة هي انه عشان ترفع درجة في الاختبار تلزم مذاكرة ١٠٠ ساعة)، اذا اقل معناها ضمان الدرجة صعب وهنا ممكن تخلي هدفك واقعي عشان يتناسب مع وقتك او تأجل موعد اختبارك عشان يكون عندك الوقت الكافي تستعد فيه.
تحتاج احد يدفعك عشان تجتاز الايلتس
مستواك اقل من المتوسط فما فوق الدورة راح تناسبك بشكل مررة كويس. تقدر تعرف مستواك من هنا
وقتك ضيق وتبغا نتائج بوقت قياسي فالدورة ليك، هدفنا الوحيد هو تسهيل واختصار الطريق ليك من خلال بناء الأنظمة وتوفير الوقت. فإذا كان دا الشيء اللي تبغاه ، فاحنا نحب نكون معاك في رحلتك
اذا كنت حاب حاجة تاخذك خطوة بخطوة وتوصلك للدرجة اللي تبغاها بوقت قياسي فالدورة هي انسب خيار ليك.
الدورة المكثفة للايلتس
قيمة ٢٧٠٠ ر.س.تطوير الكتابة بأداة الذكاء الاصطناعي شكسبير
قيمة ١٢٠٠ ر.س.محاكاة اختبار الكتابة والمحادثة مع خبراء
قيمة ١٨٠٠ ر.س.ورش عمل جماعية لايف مع عبدالرحمن
قيمة ٢٧٥٠ ر.س.الحقيبة الورقية للتدرب
قيمة ٥٠٠ ر.س.
كتيب كيف تحل مشكلتك مع الخوف من الكلام في دقايق
(خصيصا لهذي الدفعة)
كل هذي الخدمات اذا جبتها من دورات منفصلة وكتب ومعاهد وسفرات كل هذي الاشياء ممكن تكلفك اكتر من ٩٣٥٠ ريال .. لكن الدورة المكثفة للايلتس بتقدملك كل حاجة تحتاجها في مكان واحد وبطريقة مرتبة
الدورة مو هدفها تعطيك فائدة! الدورة هدفها توصلك لنتيجة حقيقية والحمدلله في الآف الخريجين من الدورة اللي بدأو معايا وحققو هدفهم مو بس مستفيدين فالخلاصة انا هدفي اوصلك لنتايج.. وعشان كدا عندك ٣٠ يوم اذا ما لقيت تطور حقيقي خلالها تقدر تسترجع مبلغك بالكامل
ولمعلوماتك 🥇نسبة نجاح المسار الشخصي ٩٧.٧٪
جهزت لك مصادر قوية في خدمتك بدون مقابل 💛
"ازعل لما اسمع ناس كثير تفوتهم بعثات وفرص ممكن تغير حياتهم حرفيا بس بسبب ما عندهم لغة .. وعشان كدا بحاول بكل قوتي اني اساعدك في الانجلش بكل الطرق اللي اقدر عليها 💛"
ايش هو مستوى الدورة؟
الدورة مناسبة اذا تبغا درجة بين ٥.٥ الى ٧.٥ .. راح يكون تركيزنا كله على التكنيكات والمهارات اللي راح تساعدك توصل للدرجة ما راح تاخذ الاشياء حقت المعاهد.
كم مدة الدورة؟
مدة الدورة راح احددها ليك بناء على مستواك وهدفك ببداية الدورة بمسار شخصي مناسب لمستواك.. 🚀 لكن الدورة مفتوحة ليك الين ما تحقق هدفك في الايلتس ومع ذلك، صلاحية خدمات الدورة حتكون متاحة لمدة ٣٦٥ يوم.
مستواي حاليا تأسيسي هل الدورة تنفع لي؟
اول شيء احييك انك فكرت في الاختبار من اول وجهزت نفسك نفسيا له .. اذا كان مستواك تأسيسي هدفك كبير (٦ او ٧) انصحك ما تدخل الدورة، أسس لغتك نفسك (شوف دورتي التأسيسية) وبعدين اهجم على الدورة. اما اذا اختبارك قريب وتحتاج درجة ٣.٥ او حتى ٤.٠، انصحك تشوف قناتي على اليوتيوب من هنا.
حالياً مشغول ما اقدر ابدأ في الدورة مباشرة؟
الدورة حتكون موجودة معاك الين ما تبدأ وتحقق هدفك (لحد أقصى ٣٦٥ يوم) تقدر تبدأ في أي وقت تبغاه ومش شرط تبدأ فورا.
هل احتاج مصادر ثانية مع الدورة؟
الدورة تكفي و توفي كل شئ تحتاجه موجود داخل الدورة من تكنيكات لمصادر تطوير واختبارات تجريبية، مختبرين حقيقين يختبروك في المحادثة وتعرف ايش مستواك ويعطوك فيدباك يساعدك تطور نفسك اكثر ، وكمان افضل مصححين للايلتس راح يقيمو كتابتك وتعرف ايش درجتك بالزبط قبل الاختبار الحقيقي
هل في امكانية اتواصل معاك على الجوال؟
بشكل عام مع المشتركين في الدورة عشان اقدر اوفر الوقت بكون معتمد على الرسائل لانها دائما اسرع لي وتساعدني انجز اكتر
هل في اسرار في الدورة لا توجد في اي مكان ثاني؟
الدورة ما فيها اسرار لكن هدفها انها تختصر عليك الوقت والتشتت وتمشي معاك خطوة بخطوة الين ما تحقق الدرجة بوقت قياسي.
هل لازم اتابعك على السوشيال ميديا (انستجرام، يوتيوب، تويتر، الخ)؟
سؤال مررة حلو، يعتمد عليك كليا، اذا انت قاعد تكرف اصلا وتحتاج شوي تنويع في الحماس، او تحب انك تشوف الموضوع باسلوب ثاني (لانه مافي شيء يخرج عن الدورة)، وقتها راح انصحك بشكل كبير انك تشوف محتوى السوشيال ميديا اما اذا كنت مستعجل او لسه ما بديت كرف، انصحك انك ما تشتت نفسك وتركز على الدورة كليا، وهي تغطي لك كل تفاصيل الاختبار.
هل الدورة للاختبار الاكاديمي او العام؟
الاثنين، اضفت اضافات قوية للاختبار العام كمان. مع انه الفروقات بسيطة، لكن انا ركزت عليهم وميزت بينهم عشان يسهل عليك
هل اقدر احضر الدورة من اي مكان؟
الدورة بقدمها اونلاين بالكامل تقدر تذاكر منها حتى لو كنت في ادغال الامازون 🦒
هل اقدر اشترك في الدورة وانا ما عندي لابتوب؟
لا تخاف جهزت الدورة و صممتها عشان تشتغل معاك سواء من الجوال او الايباد او اللاب توب
حقائب الدورة بتوصل كل مكان في الظروف الحالية؟
ايوة بتوصل.. بحاول انا من طرفي انه اشحن الحقيبة وان شاء الله بتوصل خلال شركة DHL..
ممكن احد يستفيد معاي في الدورة؟
الدورة مجهزة لشخص واحد فقط، في حالة دخول اكثر من شخص في اشتراك واحد في الدورة، راح يتم الغاء اشتراك المشترك في الدورة بالكامل.
بالدورة المكثفة .. هل الدرجة مضمونة؟
لا. اذا منت ناوي تذاكر.. مستحيل تجيب الدرجة، لكن اذا اجتهدت بناء على مسارك الشخصي اللي راح يكون مناسب لوقتك وهدفك اكيد راح تضمنها باذن الله.
هل عندك دورة لتأسيس الانجليزي؟
يب بقدم الدورة التأسيسية للانجلش تقدر تشوف تفاصيلها من هنا
هل عندك دورة لاختبار الستيب؟
يب بقدم دورة مكثفة في الستيب تقدر تشوف تفاصيلها من هنا
حاب تاخذ كلاس تجريبي؟
شوف الكلاس من هنا