أسس نفسك صح في الانجلش خطوة بخطوة مع عبدالرحمن حجازي

أو انقر للدخول في الدورة

أسس نفسك صح في الانجلش خطوة بخطوة مع عبدالرحمن حجازي

أو انقر للدخول في الدورة

بحاول افضل ما عندي..

لكن الدورة تحتاج مجهود من القلب وعشان كدا بقدم الدورة لعدد محدود من الدفعات خلال السنة وبيكتمل التسجيل لكل دفعة حسب الضغط اللي اقدر اخده

ايش هدفك؟

فرص وظيفية افضل

تبغى تتكلم انجلش لانه اغلب الفرص تشترط او تفضل اللغة؟ وحاب تحسن ادائك وتواصلك في العمل؟

اجتياز الايلتس وإكمال الدراسات العليا

حاب تأسس نفسك عشان تبدأ تجهز نفسك لاختبارات اللغة زي الايلتس والستيب المطلوبة في الدراسات العليا والابتعاث؟

نتايج حقيقية في وقت قياسي

جربت ومليت من الطرق التقليدية لتعلم الانجلش.. وتحتاج طريقة فعالة تعطيك نتايج واضحة من اول اسبوع؟

عبدالرحمن حجازي

راح اقلك ايش اللي عليك تسويه بالزبط!

بديت من الصفر في الانجليزي وحققت الدرجة في الايلتس وساعدت أكثر من ٢ مليون شخص خلال الـ ٨ السنوات الماضية في تحقيق طموحه في اللغة والايلتس خلال هذي الدورة والمحتوى اللي بقدمه على السوشيال ميديا.

حشاركك أقوى المصادر والطرق اللي حتساعدك في تأسيس الانجلش عشان تقدر تفهم وتكون جمل صحيحة في وقت اسرع 🚀

انا هنا مو عشان اقدم لك دورة .. انا هنا عشان اساعدك تأسس نفسك الين ما تحقق طموحك!

كيف الدورة حتحقق طموحك 🙅🏻‍♂️

١. منصة الدورة التفاعلية

منصة الدورة حتكون معاك حبة حبة خلال دروس تفاعلية تحتوي على: فيديوهات خاصة بالدورة بجودة عالية، تدريبات، تحفيز، تطوير اللغة وكل اللي تحتاجه عشان تأسس لغتك بأسرع وقت.

👨🏻‍💻 ما حتطفش! لانه الدروس مجهزة بتقنية تفاعلية تحاكي التدريب الشخصي

🎥 دروس تشرح لك اهم الجرامرات مع تدريب تفاعلي عشان تأسس بشكل صحيح.

💎 كلمات تأسيسية راح تحفظها من خلال طرق تفاعلية زي قصص، تحديات، وفلاش كارد.

٢. حقيبة الدورة التأسيسية

حقيبة ورقية راح تساعدك تمارس الانجليزي وتكون مرجع ليك حتى بعد ما تخلص الدورة

📓 كتيب الممارسة اللي حيكون رفيق رحلتك في التأسيس.

🃏 كروت فوكاب عشان تسهل مراجعتك للكلمات المهمة.

📆 راح تشحن حقيبتك خلال اسبوع من اشتراكك.

٣. ممارسة مع متحدثين اصليين للغة

من فترة لفترة راح تكون عندك فرصة تمارس كتابتك ومحادثتك مع متحدثين اصليين في اللغة.

🗣 ٣ جلسات محادثة مع متحدث اصلي للغة

📝 ٢٠ تصحيح لكتاباتك من افضل المصححين في الانجلش

٤. ورش عمل لايف

بعض الاحيان نحتاج حماس وطاقة عشان كدا راح نتجمع ونحل ونتفاعل مع بعض.

كمشترك في الدورة، حيكون عندك صلاحية دخول لا محدودة للورش (بدل ما تدفع ٥٠٠ ريال للورشة)

🌘 غالبا بتكون الورش بالمسا بتوقيت السعودية

٥. تواصل مستمر

ما حتكون لوحدك راح اكون معاك لأي خدمة الين ما تحقق هدفك بإذن الله.

☝🏻 بجاوب على اسئلتك نصيا بتعمق خلال الواتساب الخاص بمشتركين الدورة.

✌🏻حكون وراك وراك برسائل تحفزك وتكسر تسويفك على الواتساب من فترة لفترة.

حضمن لك النتائج

اذا ما حسيت بتطور “حقيقي” بمستواك خلال ٣٠ يوم تقدر تسترجع مبلغك بالكامل 💯

ابغا اقدم لك نتايج واضحة.. مو بس دورة

مميزاتك في الدورة:

💬 أولوية وتعمق في التواصل معاي على الواتساب

📱منصة الدورة معاك بأي مكان وعلى اللابتوب او الجوال

🔑 الدورة حتساعدك تحقق هدفك في وقت قياسي

📌 ما تحتاج ترجع لأي مصدر ثاني: كتاب، دورة، الخ

هل الدورة حتناسبك؟

هدفي اقدم نتايج قوية لكل مشترك، فبعض الناس ما اخدمهم في الدورة

مستواك تأسيسي او مبتدئ

تقدر تعرف مستواك من هنا

راح تعطي وقت للمذاكرة (الدورة مهي سحر)

حاب تأسس لغتك عشان تقدر تكون جمل صحيحة

مستواك متوسط او اعلى

تبغى تأسس نفسك في أقل من شهر

تفهم وتعرف تكون جمل صحيحة في الانجلش

ما تقدر تعطي ٥ ساعات اسبوعيا (على الاقل) للدورة

⚠️

عندنا سيناريوهين..

1️⃣ اذا انت بديت في تأسيس الانجلش، وحاسس كل حاجة واضحة وفيه تطور.. ما انصحك تسجل بالدورة.. ابغاك تستمر وصدقني راح توصل باذن الله.

2️⃣ اذا تبغاني اكون معاك من اول يوم خطوة بخطوة واعطيك كل حاجة تحتاجها عشان تقدر تفهم وتكون جمل صحيحة في الانجلش، بوعدك الدورة هي الشيء اللي تحتاجه.. واللي راح توصلك لهدفك في وقت قياسي 🙅🏻‍♂️

⚡️

الاشتراك

الاساسي

٢٢٠٠ ريال

ابدأ التحدي بقوة، وحقق اهدافك.

🧑🏻‍💻 منصة تفاعلية
💼 حقيبة ورقية
🧑🏻‍💻 ٣ جلسات محادثة
✍🏻 ٢٠ تصحيح كتابة
🤙🏻 تواصل على الواتساب
📺 اكسس لامحدود للورش

اكتمل التسجيل

🚀

الاشتراك

الـ VIP

4٦00 ريال

كل المميزات في الاشتراك الاساسي وكمان:

👨🏻‍💻 ٨ جلسات شخصية مع عبدالرحمن
✍🏻 تصحيح كتابات لا محدودة
🎙 ١٠ جلسات محادثة

اكتمل التسجيل

ما تقدر على المبلغ؟

جهزت لك مصادر قوية في خدمتك بدون مقابل 💛

"ازعل لما اسمع ناس كثير تفوتهم بعثات وفرص ممكن تغير حياتهم حرفيا بس بسبب ما عندهم لغة .. وعشان كدا بحاول بكل قوتي اني اساعدك في الانجلش بكل الطرق اللي اقدر عليها 💛"

والحمدلله فخور بـ

درس تفاعلي داخل الدورة

كلمة اساسية حتحفظها بشكل تفاعلي

قاعدة اساسية حتتعلمها بشكل عملي

ساعة يوميا حكون معاك طوال الرحلة

اسئلة شائعة

ايش مستوى الدورة؟

الدورة مناسبة اذا مستواك تأسيسي او مبتدئ وتواجه صعوبة في فهم وتكوين الجمل البسيطة بشكل صحيح.. راح يكون تركيزنا كله على الاساسيات والمهارات اللي راح تساعدك تأسس لغتك بشكل صح.

كم مدة الدورة؟

الدورة هدفها النتائج، مهو منهج تخلصه وبس .. فحتكون مستمرة معاك الين ما تأسس نفسك صح في الانجليزي.. وهذي غالبا تاخد بين الشهرين لـ ٦ اشهر 🚀 لكن الدورة مفتوحة ليك الين ما تأسس نفسك في الانجلش (٦ اشهر بحد اقصى)

مستواي حاليا متوسط هل الدورة حتنفع لي؟

هذه الدورة مصصمة للمستوى التأسيسي والمبتدئ فقط. يعني من خلال الدورة حتطور فهمك وتكوين جمل انجليزية بسيطة بطريقة صحيحة. لكن اذا انت مستواك متوسط واعلى، فما انصحك بهذي الدورة. تقدر تبدأ في تطوير لغتك من هنا

حالياً مشغول ما اقدر ابدأ في الدورة مباشرة؟

الدورة حتكون موجودة معاك الين ما تبدأ وتحقق هدفك (بحد اقصى ٦ اشهر) تقدر تبدأ في اي وقت تبغاه مو شرط تبدأ فورا.
.

هل في امكانية اتواصل معاك على الجوال؟

بشكل عام مع المشتركين في الدورة عشان اقدر اوفر الوقت بكون معتمد على الرسائل لانها دائما اسرع لي وتساعدني انجز اكتر.

هل في جروب في الدورة؟

لا راح اتواصل معاك بشكل شخصي و اجاوبك على كلل استفساراتك

هل احتاج مصادر ثانية مع الدورة؟

الدورة تكفي وتوفي كل شيء تحتاجه موجود داخل الدورة من كلمات وشروحات جرامر وتدريبات تفاعلية تساعدك تتأسس بشكل قوي.

هل في اسرار في الدورة لا توجد في اي مكان تاني؟

الدورة ما فيها اسرار لكن هدفها انها تختصر عليك الوقت والتشتت وتمشي معاك خطوة بخطوة الين ما تتأسس في الانجليزي بوقت قياسي

هل اقدر اشترك في الدورة وانا ما عندي لابتوب؟

لا تخاف جهزت الدورة وصممتها عشان تشتغل معاك سواء من الجوال او الايباد او اللابتوب

ممكن احد يستفيد معاي في الدورة؟

الدورة مجهزة لشخص واحد فقط، في حالة دخول اكثر من شخص في اشتراك واحد في الدورة، راح يتم الغاء اشتراك المشترك في الدورة بالكامل.

هل اقدر احضر الدورة من اي مكان؟

الدورة بقدمها اونلاين بالكامل تقدر تذاكر منها حتى لو كنت في ادغال الامازون 🦒

هل لازم اتابعك على السوشيال ميديا (انستجرام، يوتيوب، تويتر، الخ)؟

سؤال مررة حلو، يعتمد عليك كليا، اذا انت قاعد تكرف اصلا وتحتاج شوي تنويع في الحماس، او تحب انك تشوف الموضوع باسلوب ثاني (لانه ما في شيء يخرج عن الدورة)، وقتها راح انصحك بشكل كبير انك تشوف السنابات واليوتيوب. اما اذا كنت مستعجل او لسه ما بديت كرف، انصحك انك ما تشتت نفسك وتركز على الدورة كليا، وهي راح تغطي لك كل التفاصيل.

هل عندك دورة لاختبار الايلتس؟

يب بقدم دورة مكثفة في الايلتس تقدر تشوف تفاصيلها من هنا

هل عندك دورة لاختبار الستيب؟

يب بقدم دورة مكثفة في الستيب تقدر تشوف تفاصيلها من هنا