الدفعة الثانية في ٢٠٢٤
المدعمة بالذكاء الاصطناعي

حقق طموحك بدرجة قوية بالايلتس.

اقوى دورة تأخذك خطوة بخطوة وتحقق طموحك بوقت قياسي

باقي على نهاية الدورة

00
Days
00
Hrs
00
Min
00
Sec

المشكلة مع الايلتس

فرص وظيفية قوية تضيع عليك بسبب شرط الايلتس؟

درجة الايلتس هي العائق بينك وبين الابتعاث؟

ما تبغا تضيع فلوسك ووقتك وما تحقق الدرجة؟

تخيل تحقيقك لدرجة الايلتس المطلوبة راح تغير حياتك للافضل وتشوف اثرها في حياتك لـ ٦٠ سنة قدام.. سواء كان للابتعاث، فرص وظيفية جديدة، ترقي وظيفي كنت تبغاه، وفرص غيرها كثير .. ما حبالغ اذا قلت لك مئات الفرص راح تيجي قدامك بسبب درجة الايلتس.

في هذي الدورة راح اقلك ايش اللي عليك تسويه بالزبط!

عبدالرحمن حجازي

عبدالرحمن حجازي

بديت من الصفر في الانجلش وكانت تجربتي مع اللغة عبارة عن معاناة.. كنت احاول اطبق كل نصيحة اسمعها، وجربت طرق كثييرة وكل مرة طريقة تفشل كنت اتحطم اكتر .. صرفت الاف الريالات وضيعت ٣ سنوات ولسه ماني قادر اوصل للخلطة السحرية اللي تساعدني اجيب درجة قوية بالايلتس عشان احقق حلمي بدراسة الماجستير في جامعة قوية وبعدها اتوظف في شركة كبيرة..

وبعد تجربة ٥٠ الف طريقة قدرت اوصل لافضل الطرق اللي تختصر الوقت والمجهود وساعدتني احقق درجة ٨ في الايلتس خلال اشهر قليلة مو سنوات!

وبعدها قررت انشر تجربتي واختصر الطريق على المهتمين باللغة واختبار الايلتس والحمدلله ساعدت أكثر من ١٠ مليون شخص خلال الـ ٨ سنوات الماضية في تحقيق طموحه في اللغة والايلتس من خلال دوراتي المكثفة والمحتوى اللي بقدمه على السوشيال ميديا.

شركاء رسمين مع عبدالرحمن حجازي

تعريف الدورة

⚙️ اقوى التكنيكات اللي تختصر عليك الطريق
👨🏻‍💻 دروس مصممة بتقنية الـ Active Focus اللي تخليك تندمج وما تحس بالوقت وتتعلم بدون ما تمل
🛣️ المسار الشخصي يرتب لك الدروس خطوة بخطوة
🧑🏻‍🎓 نتائج حقيقة حتشوف تطور ملحوظ بوقت قياسي

وانا هنا مو عشان اقدم لك دورة .. انا هنا عشان اقدملك نتايج واساعدك تجيب درجة قوية باختبار الايلتس في وقت قياسي

ودا مو بس كلامي .. هذي تجارب وكلام مجربين يوصلني يوميا ..


وانت كمان تقدر!


تبدأ وتحقق هدفك وتجيب درجة قوية باختبار الايلتس.. مهو مطلوب ابدا تكون حريف باللغة. ومهما كانت الصعوبات اللي تواجهك وتحس انها السبب اللي يمنعك توصل لهدفك.. من جد هي كلها عوائق وهمية وحلها في سر بسيط " ثلاثية الايلتس" اللي هم التطوير، التكنيكات والتدرب.
التطوير
تطوير مهاراتك الاربعة باللغة اللي هم الاستماع، القراءة، الكتابة والمحادثة يعني حتركز في البداية على تطوير لغتك، وهذي اول خطوة عليك تبدأ بيها وانت تستعد وتذاكر لاختبار الايلتس، لانه بدون تطوير مهاراتك راح تحس اختبار الايلتس حاجة صعبة ومنت قادر توصل للدرجة المطلوبة لانه اهملت جزء اساسي ما ينفع تسحب عليه.
التكنيكات
وهي طرق مختصرة توصلك لاقوى درجة إذا حاولت تجاوب في اختبار الايلتس بطرق الحل العادية حتلاقي وقت الاختبار خلص وانت لسه ما حليت الا ٢٠٪ من الاختبار، عشان كدا كان لازم يتم تهكيير طرق الحل وهذي مهمة التكنيكات اللي هي عبارة عن خدع تساعدك تحقق درجة قوية وتعرف كيف تحل اكبر عدد اجابات صحيحة في الوقت المطلوب.
التدرب
حتتدرب على اختبارات تجريبية تحاكي الاختبار الفعلي جدا مهم تتدرب على الاقل على ٧ اختبارات تجريبية كاملة عشان تقدر تتقن استخدام التكنيكات وتتعود على ضغط الاختبار، من تجربتي وتجربة مشتركين كتار قد ما تتدرب على استخدام التكنيكات على اختبارات تجريبية كثيرة قد ماراح تضمن لك توصل لدرجة قوية بالاختبار الفعلي.

دورة تغنيك عن عشرات الدورات

خدماتك في الدورة

🚀 تطوير اللغة:

تطوير الاستماع بنظام الجولات:

خايف ما تفهم المقاطع الصوتية؟ لا تخاف لانه راح تطور هذي المهارة عن طريق الاستماع لمقاطع صوتية مناسبة ليك بنظام الجولات الثلاثة عشان تتعلم منها كلمات جديدة، كمان المقاطع باللهجة البريطانية وبالتالي حتتعود على لهجة الاختبار.

طور كتابتك مع أداة الذكاء الاصطناعي شكسبير:

اذا بتعاني بسبب قلة الافكار في الكتابة وتحتاج تقوي اسلوبك ومهارتك وتدرب بشكل لانهائي الين تصير حريف جبتلك مدرب شخصي يكون معاك ٢٤ ساعة “شكسبير AI وهو اقوى اداة مدعمة بالذكاءالاصطناعي حيساعدك تدرب على مواضيع مشابهة لطريقة الاختبار ويديلك فيدباك مفصل على كتابتك ويراجع اخطائك بدقة وبالتالي أزمتك مع الكتابة تتحل للأبد

مارس المحادثة مع اداة الذكاء الاصطناعي شكسبير

اذا تبغى مدرس معاك تتكلم معاه ويصحح لك اخطائك فحاب ابشرك انه جبتلك الاقوى من ٥٠ مدرس مع اداة الذكاء الاصطناعي شكسبير لانه حيكون معاك ٢٤ ساعة ما حيقلك كفاية وحيساعدك تحرك لسانك ويسألك ويتناقش معاك في مواضيع قريبة من أسئلة الاختبار وكمان حيديلك فيدباك رهيب على كلامك وكيف تحسن اكثر من اسلوبك وتعبر عن الفكرة بطريقة افضل

ممارسة وحفظ الكلمات بطريقة كروت تثبيت الكلمات:

في الدورة جمعت لك اهم كلمات الايلتس وصممتها بأقوى التقنيات اللي تساعد في تحويل الكلمات من الذاكرة قصيرة المدى للذاكرة طويلة المدى زي كروت تثبيت الكلمات اللي حتخلي مخك يتسائل وتتعلم الكلمات بشكل عملي للاستخدام مو تحفظها بالطرق التقليدية وتنساها

مكتبة روايات اكسفورد الرقمية

كخدمة اضافية في الدورة وبالنسبة لي ممتعة حيكون عندك ٢٥ رواية الكترونية مناسبة لمستواك من افضل مصدر لتطوير مهارة القراءة عشان تزيد سرعتك في القراءة والاستيعاب ودا معناه حتطور اهم المهارات المطلوبة للاختبار.

⚙️ شروحات وتدريبات على التكنيكات

شروحات تفاعلية على كل درس

ما راح تشوف فيديوهات مملة وتسرح في النص وتحس انك منت فاهم.. راح تشوف الشرح وخلال الدرس حسألك اسئلة تفاعلية.. وعلى اساس اجاباتك حتكمل اذا صح او حعيد لك شرح المعلومة

تدريبات تفاعلية على كل نوع سؤال

بعد ما تشوف الفيديوهات والشرح راح اخدك بتدريبات تفاعلية عشان تطبق اللي فهمته بشكل عملي زي ما حيجيك في الاختبار

👨🏻‍🏫 تقييم من الخبراء باللغة:

جلستين للمحادثة مع مختبر رسمي:

ممكن فكرة انه تتكلم بالانجلش مع شخص نيتف مهي حاجة سهلة، عشان كدا حيكون عندك جلستين تاخد فيها اختبار تجريبي مع مختبر ايلتس حقيقي عشان تقدر تكسر حاجز الخوف وتعرف درجتك وبالتالي ما تتوتر يوم الاختبار.

خدمة تصحيح الكتابة:

بعد تدربك على التكنيكات حتقدر تكتب وترسل كتابتك لفريق تصحيح متخصص عشان تقدر تعرف درجتك
واخطاءك وكيف تحسنها عشان ما تخبص في الاختبار الحقيقي.

🏃🏻 ممارسة بشكل عملي:

ورش عمل حضورية جماعية:

كمشترك في الدورة حيكون عندك صلاحية دخول لا محدودة لاكثر من ٣٠ ورشة عمل حضورية اونلاين بتكون فيها طاقة وحماس نتجمع ونحل ونمارس مع بعض

حقيبة ورقية للتدرب:

حشحن ليك افضل مصدر للتدرب على الاختبار من الجهة المصدرة للاختبار وهي “اختبارات كامبردج” عشان تعيش جو الاختبار الحقيقي بالزبط بالاضافة لكتيب التدرب اللي حيساعدك تتعلم من اخطائك بتعمق لان حتلاقي فيه اختبارات اضافية مع شرح بالتفصيل للتكنيكات وطريقة الحل وكيف توصل للاجابة الصح

مخيم اتقن املاء اهم ١٠٠٠ كلمة للايلتس
(خصيصا لهذي الدفعة)

الاملاء من اكثر الحجات اللي ممكن تخسرك درجات على الفاضي لانه اذا حرف واحد خطأ بتضيع عليك الدرجة ، وهذي المشكلة ما ليها حل الا التدريب، وعشان كدا اقوى حاجة حتفك ازمتك مع الاملاء لانه حتدرب على ١٠٠٠ كلمة تتكرر بالاختبار وحتتدرب بأكثر من شكل حبة حبة عشان ما تمل الين تصير حريف املاء

- تطوير مهارة الاستماع:
  • مقاطع البرامج الصوتية عندك حتكون حسب مستواك في اللغة، 

  • حتمارس مهارة الاستماع بشكل شبه يومي في الدورة .

  • وإذا مستواك لسه بسيط حتكون المقاطع عندك بنظام الجولات الثلاثة، حتسمع اول مرة وبعدها يطلعلك سؤال اذا جاوبته صح معناها امورك كويسة وتروح للي بعده، اذا جاوبته غلط حتكمل باقي الجولات.

  • كمان المقاطع باللهجة البريطانية وبالتالي حتتعود على لهجة الاستماع في الاختبار. 

- تكنيكات قسم الاستماع
  • حشارك أهم النصائح واقووى التكنيكات اللي راح تساعدك تختم قسم الاستماع، وتعرف كيف تصيد الاجابة بالزبط من نص الكلام اللي انت قاعد تسمعه.

  • التكنيكة الأساسية في قسم الاستماع "تكنيكة استغلال الوقت" كيف تستغل الوقت لصالحك في الاختبار الفعلي، وايش ثغرات الوقت اللي موجودة وكيف تستغلها؟

تكنيكات وشرح مفصل في +٢٠ درس لكل قسم من الأربع أقسام اللي تيجي في الاختبار وبالتالي تتعود على شكل الاسئلة وما تتفاجئ في اختبارك الفعلي بسؤال ما تعرفه. 

- التدريبات التفاعلية

بعد كل تكنيكة او شرح لطريقة سؤال معين حيكون عندك تدريب مصمم بتقنية تفاعلية عشان تطبق اللي تعلمته ودا معناه حتمارس التكنيكات مو حتحفظها. 

- الاختبارات التجريبية

بس تختم الدروس حيكون عندك اختبارات تجريبية من المصدر الاساسي للاختبارات في الدورة "كتب كامبردج" عشان تتدرب اكتر على هيكلة الاختبار الفعلي وتقدر تعرف فين اخطاءك وتتعلم منها. 

- تطوير مهارة القراءة

حيكون عندك مصدرين لتطوير مهارة القراءة في الدورة

المصدر الاول: روايات اكسفورد

السبب اللي خلاني اختار روايات اكسفورد تكون المصدر الأساسي في الدورة لتطوير مهارة القراءة أنه هي مرة ممتعة وأحداث القصة دايما حتجبرك تستمر في القراءة، كمان لانه الروايات بشكل عام حتساعدك تربط الخيال بالانجليزي وبالتالي تربط الكلمات بالخيال .. ويصير خيالك في الانجليزي اقوى والكلمات اللي تشوفها تفضل معاك لفترة أطول و تساعدك تستخدمها عمليا

المصدر الثاني: دروس التقوية السريعة للقراءة

فراح يكون عندك قطع اكاديمية مقسمة لفقرات، وكل فقرة ليها عنوان محدد عشان مخك يتعود على فكرة تحديد العناوين وتتعود على نمط الاختبار وتكون مناسبة لمستواك فما تتعقد لما تهجم على قطع الاختبار
لانه حتتعلم منها اهم الكلمات وحتدرب فيها على سرعة القراءة بطريقة هي الاولى من نوعها
ودا معناه سرعة قرائتك راح تزيد مع الوقت اللي هي اهم مهارة تحتاجها بالاختبار الحقيقي وحتطور استيعابك وحصيلتك اللغوية بشكل رهيب

- تكنيكات قسم القراءة

اول شيء حتعرف أهم تكنيكة تقسيم الوقت اللي حتعلمك ازاي تقسم وقتك صح بالاختبار بناء على مستواك الحالي وتضمن انك حتوصل لاكبر عدد من الاجوبة صح في الوقت المحدد عندك اللي هو ٦٠ دقيقة الوقت يعني باختصار حشاركك التكنيكات اللي ساعدتني اجيب ٩ بالقراءة.


بعدها حنتكلم عن التكنيكة الاساسية للقراءة "تكنيكة حاد" وتعتمد على ثلاث خطوات اساسية اللي هي

  • حاء: حدد عنوان لكل فقرة من فقرات القطعة اللي عندك
  • ألف: اقرأ كل سؤال بتركيز وحدد الكلمات الدلالية
  • دال: دور الاجابة للسؤال في المكان الصح بالقطعة


يعني حتطلع من هذي الدروس وانت عارف كيف تجاوب صح على اكبر عدد من الاسئلة بدون ما تجلس تقرأ كل كلمة في الفقرة، تحتاج بس تقرأ ممكن نسبة ٢٠ الى ٣٠٪ من كل القطعة 🤯


وفي الدورة حناخد هذي التكنيكة ونفصص كل خطوة من خطواتها وحشرحها ليك عمليا وحتدرب معايا عليها لدرجة انه حرفيا ما حتقدر تكمل الدرس اذا ما كنت فاهم ايش اللي قاعد اقوله، واذا سالتك وجاوبت غلط الدورة حترجعك تعيد اللي سمعته عشان تستوعب بنسبة ١٠٠٪ بعدها نكمل.


بس تستوعب فكرة التكنيكة حيكون عندك  ٢٠ درس تفاعلي حتدرب معايا عملي على كل انواع اسئلة الاختبار يعني حتخلص الدروس وانت مختم دا القسم بإذن الله.

- التدريبات التفاعلية

مع كل مرحلة من مراحل تطبيق تكنيكة حاد حيكون عندك تدريب تفاعلي عشان تطبق اللي اتعلمته خطوة بخطوة وتتعود على اسئلة الاختبار وبالتالي ما حتعاني في اختبارك الفعلي

- الاختبارات التجريبية

في هذي المرحلة حتتدرب على قسم القراءة كامل، حتشوف كيف مستواك وايش نقاط ضعفك، حتراجع أخطائك بعد كل اختبار وتتعلم منها.

بعد ما تاخد جرعة قسم القراءة كاملة واللي تشمل التطوير، التكنيكات، التدرب حتكون جاهز تهكر اي اختبار قراءة يواجهك وتحت ضغط الوقت 

- تطوير مهارة الكتابة

نسبة كبيرة مننا فعليا تعاني من قسم الكتابة، ممكن لغتك كويسة وتقدر تتكلم بس ما تقدر تكتب او ما عندك افكار والعكس، فحاب ابشرك انه اخر تحديث في الدورة كان لتطوير مهارة الكتابة واللي الحمدلله اثبت نجاحه بقوووة خلال الأيام الأولى من إطلاقه "شكسبير AI" راح يساعدك تطور كتاباتك، يراجعها ليك ويطلع لك اخطاءك، يساعدك بطرق أفضل للتعبير ، حتلاقيه موجود في مسارك بشكل شبه يومي.


اذا عندك معرفة ولو بسيطة باختبار الايلتس اكيد تعرف انه اختبار الكتابة عبارة عن سؤالين عليك تجاوب عليهم خلال ٦٠ دقيقة، بمعايير تقييم محددة منها مثلا أنه تكمل عدد الكلمات المطلوبة في كل تاسك منهم.


فالدورة المكثفة للايلتس راح تاخدك خطوة بخطوة من البداية الين تشوف الدرجة اللي تبغاها في تقريرك اللي يوصلك من مصححين الدورة.

- تكنيكات قسم الكتابة

هنا حتعرف اهم التكنيكات اللي تساعدك تكتب ٤٠٠ كلمة في ٦٠ دقيقة، وحيكون عندك دروس تفاعلية لشرح كل جزء بالتفصييييل لتاسك ١ وتاسك ٢ ، وحتشوفني قدامك اطبق التكنيكات على كل أنواع الأسئلة اللي تيجي بالاختبار.

- التدريبات التفاعلية

وبعدها حيجي دورك تمسك ورقة وقلم وتطبق بنفسك معايا خطوة بخطوة على كل نوع كل اللي تعلمته عشان تقدر تتعود على الكتابة باستخدام التكنيكات وبالتالي يكون مرة سهل عليك الحل في الاختبار.

- الاختبارات التجريبية

في دا الجزء ما حتكون لوحدك، حتكتب وترسل كتاباتك لخبراء تصحيح وحيوصلك تقرير شامل عشان تعرف منه كم درجتك الفعلية، ايش اخطاءك، وكيف تتفادها وبالتالي تضمن درجة قوية بالاختبار الفعلي.

- التطوير

حيكون عندك دروس تطوير المحادثة في مسارك بشكل شبه يومي

الدروس مصممة بطريقة محاكاة تفاعلية 

اول شيء حيكون عندنا سؤال مثلا من الاسئلة المتوقعة للمحادثة، انا حقرأ السؤال واجاوبه بعدها حيكون دورك تفكر وتجاوب على نفس السؤال وبالتالي راح تكتسب كلمات وأفكار جديدة تساعدك تتكلم بشكل كويس وما تعلق.

 

- التكنيكات
  • اول شيء حنتكلم عن كيف يجي اختبار المحادثة؟ عن نصايح عامة تسويها ولا تسويها هدفها تساعدك بشكل عام في الاختبار وكمان في الحياة اليومية.

  • تكنيكات لكل قسم من الاقسام الثلاثة، طريقة اجابة القسم الأول "تكنيكة روم"،، طريقة اجابة القسم الثاني "تكنيكة الأزمنة الثلاثة"،، طريقة اجابة القسم الثالث وهكذاا حنتكلم عنهم بالتفصييل وتشوفني وانا قاعد اطبقها

  • كمان حيكون عندك دروس فوكاب تشمل الكلمات الاساسية واللي تقدر تستعين بيها في كلامك.

  • جمل إنقاذ تساعدك ما تعلق.

- التدريبات التفاعلية

صراحة دا الشيء الرهيب في الدورة انه حرفيا بعد شرح كل تكنيكة حيكون عندك تدريب تفاعلي عشان تطبق بشكل عملي وتعرف تجاوب بالطريقة الصح في الوقت، وبالتالي توصل لاعلى درجة ممكنة باقل مجهود من طرفك.

- الاختبارات التجريبية

الاختبارات التجريبية هنا هي الاسئلة المتوقعة للمحادثة قاعد اشاركها كل فترة على السوشيال ميديا، اكيد موجودة في الدورة ولكككن في الدورة ما حتكون بس اسئلة، حيكون عندك دروس تفاعلية خاصة بالأسئلة المتوقعة للمحادثة.
حتشوف اجوبة نموذجية لمختبرين المحادثة اللي معايا بالفريق، وفي بعض الاسئلة حسيبك تعتمد على نفسك لكن حيكون عندك أفكار تساعدك، وبالتالي حيكون عندك حصيلة لغوية جيدة جدا وافكار اكتر تساعدك تتكلم بدون ما تعلق.

دحين عرفت منهجية الدورة وعرفت كيف الدورة ساعدت كثيييييرين في تحقيق أهدافهم واكيد حتساعدك انت كمان تحقق هدفك بوقت قياسي، لكن كيف الدورة؟ ايش حيكون عندك:

  1. 🧠 معرفة شاملة عن الايلتس تتضمن أكثر من ٨٠ درس تفاعلي معايا اشرح لك فيها (1)التكنيكات، (2) تدريبات تفاعلية، (3) تطبيق عملي، و(4) حل اختبارات تجريبية.
  2. 🚀 تقنية المسار الشخصي بيكون عندك مسار خاص بيك على حسب مستواك وهدفك، مرتب بترتيب الايام. ودا حيساعدك توفر +10 ساعات كل أسبوع، لانه بيختار لك وبيرتب لك الدروس اللي تحتاجها بمكان واحد شامل شرح الدروس، تمارين تفاعلية، تطوير مهارات، حفظ كلمات، تمارين إضافية، فحيكون معاك خطوة بخطوة الين ما تحقق هدفك بالايلتس.
  3. 🚂 التدريب المستمر (يوميًا) لتطوير مهارات اللغة (الاستماع والقراءة والكتابة والمحادثة) بدون ملل من خلال أحدث تقنيات التدريب، وكدا بتطور لغتك وبتحافظ على مستواك حتى بعد انتهاء اشتراكك بالدورة.
  4. 🐝 كتابة موضوعات ومقالات قوية باستخدام قوالب الكتابة ومكتبة النماذج المحلولة لتنظيم أفكارك وكتابتك بشكل صحيح، وبالتالي راح توفر الوقت وتضمن تحقيق درجات عالية.
  5. 💡 لا تكرر نفس اخطائك مرة ثانية من خلال الاستفادة من تعليقات ونصائح مصححين الكتابة على كتاباتك (20 تصحيح) وتعليقات مختبرين المحادثة على أدائك.
  6. 🔥 معرفة نقاط قوتك بالمحادثة من خلال جلسات المحادثة مع مختبرين سابقين للايلتس.. وهذي من أفضل الخدمات الإضافية اللي اقدمها بالدورة عشان تعرف نقاط قوتك وتستفيد منها بكلامك، وكمان عشان تكسر حاجز الخوف من الكلام بالانجليزي قدام أحد وخصوصا لما تكون الانجليزية هي لغته الأصلية.
  7. 📗 تطور كتابتك وافكارك مع " شكسبير AI" حيكون معاك كمدرب خاص بيك تتدرب معاه، طورته مع فريقي بالذكاء الاصطناعي، حيعطي ليك اسئلة تحلها، فيدباك فوري على كتاباتك ويراجع اخطائك بدقة وبالتالي أزمتك مع الكتابة تتحل للأبد.
  8. 📚 خدمة اضافية بالدورة بعد كل قسم فيه تمارين إضافية اذا تبغى تتدرب أكثر عشان توصل للمستوى اللي تبغاه بالقسم، ودا غير كتيب التدرب اللي حيساعدك تشوف الاجوبة النموذجية للاسئلة وكيف تطبق التكنيكات اللي اتعلمتها
  9. 🧭 اختبارات تجريبية لتحسين نقاط ضعفك وايش اللي عليك تطوره، عشان لا تضيع الوقت في اجزاء ممكن ما تكون مفيدة ليك.. وبالتالي تتأكد من تطور مستواك بشكل مستمر على مدار مسارك الين ما توصل للهدف اللي تبغاه ودا عن طريق ملاحظة تطور درجاتك في الاختبارات التجريبية والتدريب.
  10. ⚡ تتعلم تطبيق التكنيكات الأساسية وهي طرق وخدع للحل لتطوير مستواك ولغتك بسرعة وكفاءة، فما تحتاج تضيع ساعات في البحث عن أفضل المصادر او التكنيكات. وبالتالي لا تهدر شهور في مصادر وطرق ما حتساعدك لأنه ما حتوصلك للدرجة اللي تبغاها ؛)
  11. حتقدر تتواصل مع فريقي على واتساب طول فترة اشتراكك ، وحيساعدك في أي سؤال واستفسار عندك ، وحنتابع تقدمك اسبوعيا بالدورة عشان نتأكد انه امورك تمام الين تحقق هدفك بإذن الله
  12. 📝 مراجعات وتصحيح كتاباتك: تقدر ترسل ٢٠ تصحيح لمصححين خبراء معايا في الفريق، حيقدمو ليك تعليقات على كل كتابة ترسلها للتصحيح وبالتالي حتوفر الوقت في معرفة ايش اللي عليك تحسنه بالزبط في كتابتك.
    (مشتركين في الدفعات اللي فاتت قالو إن تعليقات المصححين هذي لوحدها تبرر سعر الدورة بالنسبة لهم في تسريع منحنى التعلم، ودحين انت تقدر تاخد هذي التعليقات لمدة سنة كاملة ).
  13. ☄️ نماذج محلولة للكتابة واللي تم تصحيحها عن طريق افضل المختبرين.. حتوضح لك الفرق بين كتاباتك اللي تكتبها والكتابة النموذجية اللي حتساعدك في التطور.
  14. ورش عمل حضورية جماعية للممارسة والتدريب العملي ,الحضور مفتوح ليك لمدة ٣٦٥ يوم يتجدد حماسك وتساعدك تستمر.

و٦٠ الف حاجة كمان .. يعني باختصار الدورة شاملة كلللل حاجة وحتاخدك خطوة بخطوة الين تحقق هدفك

ابغا اقدم لك نتايج.. مو بس دروس

1000+
مشترك واكثر حقق طموحه خلال هذي الدورة

خريجين الدورة كملو دراساتهم في افضل الجامعات، منها:

uni1 uni2 uni3 uni4
uni5 uni6 uni7 uni8

شوف الناس ايش قالو..

وعشان اتاكد انه لما تدخل معايا حتلاقي النتيجة اللي تبغاها فعندي ٣ شروط بالدورة 🙅🏻‍♂️

الشرط الاول: تقدر تديني نص ساعة باليوم على الأقل
  • ومو لازم تكون نص ساعة متصلة لانه الدورة مصممة بطريقة مرنة تساعدك تقسمها على يومك يعني ممكن تاخد ١٠ دقايق وانت رايح الدوام ١٠ دقايق وانت في بريك ١٠ دقايق وانت بانتظار شئ

  • طبعا اذا تقدر تدي وقت اكثر حيكون ممتاز وحتقدر توصل لهدفك في وقت اسرع ومسار كل شخص حيكون بناء على الوقت اللي يقدر يديه

  • فالدورة اكيد حتوفرلك وقت ومجهود رهيب لكن بالنهاية مهي سحر يحتاج تديها من وقتك على الاقل نص ساعة يوميا ووقتها اقدر اوعدك انه الدورة تديلك اقوى النتايج

الشرط الثاني: مستواك يتناسب مع الدورة
  • اذا كان مستواك تأسيسي أو مبتدئ، ما انصحك لانه مستوى الدورة اعلى شوي وما ابغاك تعاني الين ما تستوعب او تتعقد وتحس انه الموضوع صعب وهو بس يحتاج انه تبدأ من المكان الصح اللي يناسب مستواك

  • واذا حاب تاخد فكرة عن دورتي التأسيسية تقدر تشوف التفاصيل من هنا

  • واذا مو متأكد من مستواك تقدر تعرف مستواك من هنا

الشرط الثالث: باقي على اختبارك على الاقل شهر
  • الدورة حرفيا مكثفة وشاملة لكل تفاصيل الاختبار من تطوير وتدريب وتكنيكات .. فتحتاج على الاقل شهر قبل اختبارك حسب مستواك وهدفك عشان تستفيد منها الاستفادة الكاملة وتقدر تلاقي النتيجة اللي تبغاها بالنهاية

عندنا سيناريوهين..

1️⃣ اذا فيه شرط من الشروط هذي ناقص يحتاج تشتغل عليه بالبداية او اذا انت بديت في الايلتس وحاسس كل حاجة واضحة ليك وفيه تطور ما انصحك تسجل بالدورة .. ابغاك تستمر وصدقني راح توصل باذن الله

2️⃣ اذا تبغاني اكون معاك من اول يوم خطوة بخطوة واعطيك كل حاجة تحتاجها عشان توصل لهدفك، بوعدك الدورة هي الشيء اللي تحتاجه واللي حتوصلك للدرجة في وقت قياسي 🚀

عرض الدفعة الثانية في ٢٠٢٤

الدورة المكثفة للايلتس
ايش اللي حتاخده؟

الدورة المكثفة للايلتس

قيمة ٢٧٠٠ ر.س.

تطوير الكتابة بأداة الذكاء الاصطناعي شكسبير

قيمة ٩٠٠ ر.س.

طور محادثتك مع اداة الذكاء الاصطناعي مارس المحادثة مع اداة الذكاء الاصطناعي شكسبير

قيمة ٨٥٠ ر.س.

محاكاة اختبار الكتابة والمحادثة مع خبراء

قيمة ١٨٠٠ ر.س.

الحقيبة الورقية للتدرب

قيمة ٥٠٠ ر.س.

ورش عمل حضورية جماعية

قيمة ١٦٥٠ ر.س.

مخيم اتقن املاء اهم ١٠٠٠ كلمة للايلتس

قيمة ٢٥٠ ر.س.

(خصيصا لهذه الدفعة)

كل هذي الخدمات اذا جبتها من دورات منفصلة وكتب ومعاهد وسفرات كل هذي الاشياء ممكن تكلفك اكتر من ٨٦٥٠ ريال .. لكن الدورة المكثفة للايلتس بتقدملك كل حاجة تحتاجها في مكان واحد وبطريقة مرتبة

مبلغ الدورة

٢٧٠٠ ريال

او ٦٧٥ ر.س. على ٤ دفعات

اشتراك الـVIP

كل المميزات في الاشتراك الاساسي وكمان:

٨ جلسات شخصية معايا

تصحيح كتابات لا محدودة

١٠ جلسات محادثة

٦٤٠٠ ريال

اكتمل التسجيل
اطلب الاشتراك

ضمان النتايج 💯

الدورة مو هدفها تعطيك فائدة! الدورة هدفها توصلك لنتيجة حقيقية والحمدلله في الآف الخريجين من الدورة اللي بدأو معايا وحققو هدفهم مو بس مستفيدين فالخلاصة انا هدفي اوصلك لنتايج.. وعشان كدا عندك ٣٠ يوم اذا ما لقيت تطور حقيقي خلالها تقدر تسترجع مبلغك بالكامل

ولمعلوماتك 🏅97.6 % من مشتركين الدورة المكثفة للايلتس لقو نتايج حقيقية باقل من ٣٠ يوم

ما تقدر على المبلغ

جهزت لك مصادر قوية في خدمتك بدون مقابل 💛

"ازعل لما اسمع ناس كثير تفوتهم بعثات وفرص ممكن تغير حياتهم حرفيا بس بسبب ما عندهم لغة .. وعشان كدا بحاول بكل قوتي اني اساعدك في الانجلش بكل الطرق اللي اقدر عليها 💛"

والحمدلله فخور بـ

250
درس تفاعلي داخل الدورة
100
كلمة اساسية حتحفظها بشكل تفاعلي
50
قاعدة اساسية حتتعلمها بشكل عملي
16
ساعة يوميا انا وفريقي معاك طوال الرحلة

الاسئلة الشائعة

ايش هو مستوى الدورة؟

الدورة تناسب بداية من المستوى الأقل من متوسط وفوق وحسب مستواك وهدفك الدورة حتركز لك على الشئ اللي تحتاجه عشان توصل لهدفك باسرع وقت وباقل مجهود

كم مدة الدورة؟

مدة الدورة مرنة عشان تطلع منها بنتيجة وبناء على مستواك وهدفك ووقتك راح احددلك المسار المناسب ليك يعني مثلا اذا مستواك متوسط وتبغا درجة ٦.٥ وتقدر تذاكر ٣ ساعات باليوم، معناها راح تقدر تخلص الدورة في خلال ٣ اشهر تقريبا ومع ذلك صلاحية خدمات الدورة حتكون متاحة معاك لمدة ٣٦٥ يوم.

مستواي حاليا تأسيسي هل الدورة تنفع لي؟

اول شيء احييك انك فكرت في الاختبار من اول وجهزت نفسك نفسيا له .. اذا كان مستواك تأسيسي وهدفك كبير (٦ او ٧) انصحك ما تدخل الدورة، أسس لغتك نفسها (شوف دورتي التأسيسية) وبعدين اهجم على الدورة.

حالياً مشغول ما اقدر ابدأ في الدورة مباشرة؟

ميزة الدورة انها مرنة وتتأقلم مع ظروفك تقدر تبدأ في الوقت المناسب ليك مع اعتبار انه صلاحية الدورة باشتراكك الاساسي هي ١٢ شهر، واللي تعتبر مدة جدا كافية عشان تحقق هدفك باذن الله من مستواك الحالي ويكون معاك وقت زيادة اذا اضطريت توقف لاي سبب 🚀 مع العلم الدورة اصلا مصممة للمشغولين يعني يكفي بس تبدأ بنص ساعة يوميا ومهي لازم متصلة ممكن تقسمها على يومك وانا انصح دايما انه تاخد الخطوة وتبدأ وما تنتظر الظروف المثالية

هل احتاج مصادر ثانية مع الدورة؟

الدورة تكفي و توفي كل شئ تحتاجه موجود داخل الدورة من تكنيكات لمصادر تطوير واختبارات تجريبية، مختبرين حقيقين يختبروك في المحادثة وتعرف ايش مستواك ويعطوك فيدباك يساعدك تطور نفسك اكثر ، وكمان افضل مصححين للايلتس راح يقيمو كتابتك وتعرف ايش درجتك بالزبط قبل الاختبار الحقيقي

هل في امكانية اتواصل معاك على الجوال؟

بشكل عام مع المشتركين في الدورة بنكون معتمدين على الرسائل لانها دائما اسرع وتوفر وقت ولا تشيل هم لانه فريقي حيجاوب اسئلتك بالتفصيل وحيوضح لك كل شئ تحتاجه من القلب وتقدر انت تسوي فويس نوت اذا مو قادر توصل سؤالك وفكرتك كتابة

هل في اسرار في الدورة لا توجد في اي مكان ثاني؟

الدورة ما فيها اسرار لكن هدفها انها تختصر عليك الوقت والتشتت وتمشي معاك خطوة بخطوة الين ما تحقق الدرجة بوقت قياسي.

هل لازم اتابعك على السوشيال ميديا (انستجرام، يوتيوب، تويتر، الخ)؟

سؤال مررة حلو، يعتمد عليك كليا، اذا انت قاعد تكرف اصلا وتحتاج شوي تنويع في الحماس، او تحب انك تشوف الموضوع باسلوب ثاني (لانه مافي شيء يخرج عن الدورة)، وقتها راح انصحك بشكل كبير انك تشوف محتوى السوشيال ميديا اما اذا كنت مستعجل او لسه ما بديت كرف، انصحك انك ما تشتت نفسك وتركز على الدورة كليا، وهي تغطي لك كل تفاصيل الاختبار.

هل الدورة للاختبار الاكاديمي او العام؟

الاثنين، اضفت اضافات قوية للاختبار العام كمان. مع انه الفروقات بسيطة، لكن انا ركزت عليهم وميزت بينهم عشان يسهل عليك

هل اقدر احضر الدورة من اي مكان؟

الدورة بقدمها اونلاين بالكامل تقدر تذاكر منها حتى لو كنت في ادغال الامازون 🦒

هل اقدر اشترك في الدورة وانا ما عندي لابتوب؟

لا تخاف جهزت الدورة و صممتها عشان تشتغل معاك سواء من الجوال او الايباد او اللاب توب

حقائب الدورة بتوصل كل مكان في الظروف الحالية؟

بحاول انا من طرفي انه اشحن الحقيبة وان شاء الله بتوصل خلال شركة DHL.. ولكن بعض الدول لظروف خارجة عن ارداتنا ما نقدر نوصل ليها وبتمنى لو اقدر اوصل الحقيبة حتى لو بيدي

ممكن احد يستفيد معاي في الدورة؟

الدورة مجهزة لشخص واحد فقط، في حالة دخول اكثر من شخص في اشتراك واحد في الدورة، راح يتم الغاء اشتراك المشترك في الدورة بالكامل.

بالدورة المكثفة .. هل الدرجة مضمونة؟

اذا منت ناوي تذاكر.. مستحيل تجيب الدرجة، لكن اذا اجتهدت بناء على مسارك الشخصي اللي راح يكون مناسب لوقتك وهدفك اكيد راح تضمنها باذن الله.

هل عندك دورة لتأسيس الانجليزي؟

يب بقدم الدورة التأسيسية للانجلش تقدر تشوف تفاصيلها من هنا

هل عندك دورة لاختبار الستيب؟

يب بقدم دورة مكثفة في الستيب تقدر تشوف تفاصيلها من هنا

مو مطلوب مني اختبار ايلتس دحين بس ابغى اتكلم باحترافية عشان فرص مهنية كتير تفوتني بسبب اللغة هل دورة الايلتس تناسبني؟

دورة الايلتس مصممة بشكل اساسي عشان تساعدك تجتاز الاختبار بأسرع وقت وبالتالي بتركز اكثر على تفاصيل الاختبار وتكنيكات خاصة بالايلتس طبعا فيها جزء خاص بتطوير المستوى ولكن اذا ما عندك اختبار ايلتس قريب ما انصحك بالدورة لانه ما حتستفيد الاستفادة الكاملة واذا حاب تبدأ بدورة تساعدك تتكلم باحترافية فدورة المحادثة الاحترافية هي اقوى حاجة اقدمها حتساعدك تستخدم الانجلش بحياتك العملية او العلمية وتقدر تشوف تفاصيلها من هنا

حاب تاخذ كلاس تجريبي؟

شوف الكلاس من هنا