خطة تطوير لغتك من الصفر
دليلك للمذاكرة

عبدالرحمن حجازي

اي شخص يسمع كلمة تطوير اللغة يحسب على طول انه راح يحفظ كلمات وقواعد وبعدها خلاص صار حريف في اللغة لكن هذا التوقع خطأ.. 

خليني اسألك وانت طفل صغير كيف بديت تتكلم عربي؟

الاجابة انه انت مريت بالمراحل الطبيعية لتعلم المهارات.. أول شيء بدأت تسمع لأهلك وللناس المحيطة بيك وتتعلم اسماء الأشياء اللي حوالينك بسبب الاستماع، وبعدها شوي شوي بدأت تحاول تنطق وتقلد الكلمات اللي عرفتها والمرحلة اللي بعدها تعلمت كيف تقرأ الحروف والكلمات وآخر مرحلة كانت الكتابة..

باختصار تطوير اللغة = الممارسة والمقصود بالممارسة هنا ممارسة المهارات نفسها

  • استماع
  • قراءة
  • كتابة
  • محادثة

وفي هذا المقال راح أقول لك باختصار خلطة KFC اللي راح تساعدك تطور لغتك حرفيا من الصفر وتوصل لمستوى متوسط وفوق في خلال شهور بدل سنوات .. 

🎧 الشهر الأول

اتفقنا انه الاستماع هو النواة الأساسية في تطوير لغتك.. وهنا يجي السؤال اسمع لأي شيء ابغاه واحبه؟

الإجابة لا.. راح يكون تركيزك في الاستماع على البرامج الصوتية لأنها تكون خاصة بمتعلمين اللغة الإنجليزية وتعلمك اللغة اللي راح تساعدك في حياتك بشكل عام وحياتك الأكاديمية بشكل خاص.

مذاكرتك في هذا الشهر راح تنقسم إلى مرحلتين:

1️⃣ المرحلة الأولى

في هذي المرحلة راح تركز لمدة أسبوعين على الاستماع لهذي البرامج الصوتية مع قراءة النص أو الترانسكربت تحت المقطع الصوتي والكلمات الصعبة عليك ترجمها واعرف معناها.

2️⃣ المرحلة الثانية

هذي المرحلة كمان مدتها اسبوعين وراح تسمع نفس البرامج الصوتية لكن لا تترجم.. خلي كل تركيزك على الاستماع مع قراءة النص وفهم الموضوع اللي تسمعه بشكل عام.. والكلمات الصعبة حاول تذكر معناها وخمنها من السياق.

🤸🏻‍♀️ الشهر الثاني

هنا راح تكون بداية الاكشن وراح يكون تركيزك في المذاكرة على تطوير المهارات الأساسية الأربعة، استماع.. قراءة.. كتابة ومحادثة.. وراح تقسم وقتك زي كدا بناء على عدد ساعات مذاكرتك.

٣ ساعات مذاكرة

  • استماع للبرامج الصوتية بدون نص لمدة ٩٠ دقيقة من هنا
  • قراءة القصص والروايات لمدة ٧٠ دقيقة من هنا
  • كتابة حرة لأي موضوع تفضله لمدة ١٥ دقيقة
  • محادثة ذاتية (اسأل نفسك سؤال طويل) وجاوب لمدة ٥ دقائق

ساعة واحدة مذاكرة

  • استماع للبرامج الصوتية لمدة ٣٠ دقيقة من هنا
  • قراءة القصص والروايات لمدة ٢٠ دقيقة من هنا
  • كتابة حرة لأي موضوع تفضله لمدة ٥ دقائق
  • محادثة ذاتية (اسأل نفسك سؤال طويل) وجاوب لمدة ٥ دقائق

مع انتهاء الشهر الثاني اكيد راح يكون تطور مستواك.. إذا لسة تبغى تطور مستواك اكثر يمديك تكرر الشهر الثاني مرة ومرة الين تطور لغتك للمستوى اللي تبغاه.

📌 مصادر إضافية للتطوير

🎧 مصادر تطوير الاستماع

📚 مصادر تطوير القراءة

🗓 خطة يومية

هذي الخطة صممتها ليك عشان تساعدك على الإنجاز اليومي.. اطبعها وخليها قدامك وكل لما تنجز مهمة سوي علامة في خطتك تدل على اتمام المهمة راح تحمسك كل يوم تخلص المهام اللي عليك.

إذا استفدت شارك هذا المقال 💛 

وإذا عندك اي سؤال ارسلي في تويتر من هنا

دروس ثانية حتفيدك:

خطة مذاكرة الايلتس في ٧ ايام

خطة مذاكرة الايلتس في ٧ ايام

اذا باقي على اختبارك وقت مرة قليل زي مدة اسبوع لازم تستغل كل ثانية في وقتك صح عشان تحقق اعلى استفادة ممكنة وتستعد للاختبار بشكل رهيب.. اذا قررت تبدأ مذاكرة بشكل عشوائي راح تعاني من التوتر والتشتت...

خطة مذاكرة الايلتس في ٣ شهور

خطة مذاكرة الايلتس في ٣ شهور

من أهم أسباب استمرارك في المذاكرة وعدم تشتتك انه تكون ماشي على خطة محددة عارف فين وصلت وايش باقي ليك بالظبط.. وعشان كدا حبيت اساعدك تعرف كيف تقسم خطة مذاكرتك حسب وقتك.. إذا قررت يكون اختبارك بعد ٣...

0 تعليق